Аввал хабар бериб ўтканимиздек, бугун Наманган шаҳрида 2005 йилда туғилган болалар ўртасида Ўзбекистон чемпионати бошланди.

Бугун чемпионатнинг дастлабки тур учрашувлар бўлиб ўтди. Қатнашчилар учта гуруҳда иштирок этаётганликлари сабабли ҳар бир турда учтадан ўйин ўтказилади. Мазкур мусобақада қатнашаётган Наманган вилояти терма жамоаси ўзагини “Навбаҳор” футбол клуби қошида фаолият юритаётган “Навбаҳор-Умид” футбол мактаби тарбияланувчилари ташкил этишмоқда. Вакилларимиз “В” гуруҳида Бухоро ва Навоий вилоятилик тенгқурлари билан баҳс олиб боришмоқда. Футболчиларимиз дастлабки турда Навоий вилояти терма жамоасига қарши майдонга тушишди. Ўйинда рақибидан ҳар томонлама устунлигини намойиш этган тарбияланувчиларимиз якунда 4:1 ҳисобидаги ғалабани қўлга киритишди. Жамоамизнинг голларига Маҳаммадсодиқ Абдуллаев (2 та), Диёр Баҳромжонов ва Аброр Олимовлар муаллифлик қилишди. Эртага иккинчи тур учрашувлари давом эттирилади. Ўзбекистон чемпионатини ғалаба билан бошлаган футболчиларимиз 2-турда дам олишади.
Дастлабки тур натижалари
“А” гуруҳи
Тошкент в. – Андижон – 1:0
“В” гуруҳи
Наманган – Навоий – 4:1
“С” гуруҳи
Фарғона – Тошкент – 2:2.