“Севинч” жамоаси XXII Ўзбекистон чемпионатининг 15-турини Тошкентнинг “Локомотив W” ва 16-тур учрашувини пойтахтнинг яна бир жамоаси “Бунёдкор W”га қарши ўтказди.
24 сентябр куни ”Локомотив W” жамоасига қарши кечган учрашувда жамоамиз 5:0 ҳисобида ғалабага эришдилар. Учрашувдаги голларни Феруза Турдибоева (2), Маҳлиё Сарикова (2) ва Зебо Жўраевалар киритишди. Ушбу ғалаба жамоамизнинг чемпионатдаги 14-ғалабаси сифатида қайд этиладиган бўлди. Шуниси эътиборлики, ушбу учрашувда жамоамизнинг мавсумдаги юбилей – 70 – голини 16-дақиқада Маҳлиё Сарикова киритди.
XXII Ўзбекистон чемпионати, 15-тур
“Локомотив W” (Тошкент) – “Севинч” (Қарши) 0:5
24.09.2016. ”Дўстлик” стадиони. Соат 16:00да
Гол: Феруза Турдибоева, 2′-0:1, 41′-0:5, Маҳлиё Сарикова, 16′-0:2, 25′-0:3, Зебо Жўраева, 38′-0:4.
Бугун, яъни 27 сентябр куни сафардаги кетма-кет 2-учрашувни ”Бунёдкор W” жамоасига қарши ўтказди. Бу учрашувда ҳам жамоамиз ғалаба қозонди. Жамоамизнинг учта голига мезбонлар қўшимча дақиқаларда битта гол билан жавоб қайтаришди, холос.
Учрашувда Зебо Жўраева (2) ва Мафтуна Шойимовалар ”Бунёдкор W” жамоаси дарвозасини ишғол қилишди ва мавсумдаги жамоамизнинг 15-ғалабасига ўзларининг катта ҳиссаларини қўшишди.
XXII Ўзбекистон чемпионати, 16-тур
“Бунёдкор W” (Тошкент) – “Севинч” (Қарши) 1:3 (0:1)
27.09.2016. ”Бунёдкор” стадиони. Соат 16:30да
Гол: Азиза Эрматова, 90+1′-1:3 – Зебо Жўраева, 45+2′-0:1, 49′-0:2, Мафтуна Шойимова, 77′-0:3.
“Севинч” бу йилги мавсумда 15та учрашув ўтказиб, барча учрашувларда ғалаба қозонди ва очколари сонини 45тага етказиб олди. Жамоамиз жорий чемпионат турнир жадвалида якка пешқадамлик қилмоқда.
Жамоамиз рақиблар дарвозасига 75та тўп киритиб, ўз дарвозаларидан 7та тўп олиб чиқишди. Шуниси эътиборлики, “Севинч” чемпионат иштирокчилари орасида энг кам гол ўтказган жамоа бўлиб турибди.
