Мёнхенгладбахнинг «Боруссия» клуби вице-президенти Райнер Бонхоф ЕЧЛ гуруҳ босқичи доирасида «Барселона»га қарши ўйин олдидан ўз фикрларини билдириб ўтди.

«Бизни жуда қизиқарли ўйин кутиб турибди. Жаҳоннинг энг яхши жамоасига қарши кураш олиб боришимизни биламиз. Лекин воқеалар қандай ривожланишини кутиш керак. Биз тўп билан тез муомала қилишни яхши кўрадиган дадил жамоамиз. Бу галги ўйиндан мақсадимиз — мухлисларимиз футболдан мароқлансин ва биз ғалаба қозонайлик.

Стадионимизда Мессини кўришни жуда ҳам истагандик, аммо нима ҳам қила олардик, бу футбол. Лео бўлмаса ҳам, биз жаҳон даражасидаги бошқа футболчиларга қарши ўйнашимизни биламиз», — дейди Бонхоф.

Месси Испания чемпионатининг 5-тури доирасида «Атлетико»га қарши ўйинда (1:1) жароҳат олганди.