Наманганда бўлиб ўтаётган Ўзбекистон чемпионати (2005 йилда туғилган болалар ўртасида) эртага якунланади. Бугун мусобақанинг финалчилари аниқланди.
Дастлабки ярим финалда вилоятимиз терма жамоаси Тошкент вилояти терма жамоаси устидан 3:2 ҳисобидаги ғалабани қўлга киритди. Иккинчи ярим финалда Тошкент шаҳри вакиллари Навоий вилояти терма жамоаси билан баҳс олиб борди. Мазкур учрашувда пойтахтликлар 3:1 ҳисобида ғалаба қозонишди. Шу тариқа 2016 йилги Ўзбекистон чемпионатининг финалида Наманган вилояти терма жамоаси Тошкент шаҳри терма жамоаси билан ўзаро куч синашишади. Эслатиб ўтамиз, чемпионатда вилоятимиз шарафини ҳимоя қилаётган терма жамоа ўзагини “Навбаҳор” футбол клубига қарашли “Навбаҳор-Умид” футбол мактаби тарбияланувчилари ташкил этишган. Финал учрашуви “Навбаҳор-Умид” футбол мактабининг сунъий қопламали майдонида эртага бўлиб ўтади.
