Олий лига 24-туридан ўрин олган «Қўқон-1912» - «Навбаҳор» (1:1) ўйинидан сўнг ўтказилган матбуот анжуманида мезбонлар бош мураббийи Нўъмон Ҳасанов ўз фикрлари билан ўртоқлашди.

Нўъмон Ҳасанов (“Қўқон-1912” жамоаси бош мураббийи): - Учрашув бошида тезкор гол уришга эришгандик. Шундай бўлсада, ҳимояда йўл қўйилган хато туфайли ўз дарвозамиздан ҳам тўп олиб чиқишга мажбур бўлдик. Голдан сўнг йигитларнинг ўйинлари қовушмади. Футболчиларимиз ижобий натижани қўлга киритиш учун қўлларидан келганича ҳаракат қилишди. Лекин, “Навбаҳор” жамоаси бугун чиройли ўйин кўрсатди. Меҳмонлар муносиб рақиб эканликларини исботлашди. Қайд этилган дуранг натижаси ўйинга яраша бўлди деб ўйлайман.