Колумбияда футзал бўйича жаҳон чемпионати ўйинлари ниҳоясига етди. Финалда Аргентина ва Россия футзалчилари беллашишди.

Биринчи бўлим тенг курашлар остида ўтди. Россиялик Лиманинг голига Аргентина тезкор икки гол билан жавоб берди (1:2).
Иккинчи бўлимда Россия ҳисобни тенглаштира олди, бироқ Аргентина шу заҳотиёқ икки гол уриб, ҳисобда олдинга ўтиб кетди (2:4). Ўйин якуни кескин кураш остида ўтди. Россия дарвозабонини алмаштиришга мажбур бўлди ва шу заҳотиёқ яна бир гол ўтказиб юборди (2:5). Аммо сўнгги дақиқада катта босим эвазига Россия икки гол уриб, ҳисобни қисқартира олди. Бундан ортиғига вақт ҳам, куч ҳам етмади. Аргентина ўз тарихида биринчи марта жаҳон чемпиони бўлди.

Футзал бўйича ЖЧ-2016.

Финал.
Россия – Аргентина 4:5 (1:2)
Голлар: Эдер Лиман (15'23", 21'18", 39'41" 2PG), Лисков (38'56") – А.Вапораки (15'49"), Куццолино (19'34" 2PG), Бранди (21'35", 22'33"), К.Вапораки (38'19")