«Манчестер Юнайтед» футбол клуби жамоаси 1 октябрь, шанба куни «Сток Сити» билан ўйиндан олдин «Лоури» меҳмонхонасига жўнаш учун «Олд Траффорд» стадионида йиғилди.
Ўйингоҳдан чиқишда клуб ярим ҳимоячиси Хуан Мата тўпланган мухлислар орасида ногиронлар аравачасидаги ёш фанатни кўриб қолди. Бу ҳақда «Корреспондент.net» ҳикоя қилмоқда.
Алекс Нилд стадионга футболчиларни юзма-юз кўриш учун отаси билан бирга келганди. Мата жўнаб кетаётган клуб автобусини тўхтатди ва ишқибозлар оралаб, тўғри йигитча томон йўл олди.
Мата ёш мухлисни бағрига босди ва илиқ сўзлар билдириб, дастхат қолдирди. Ундан ташқари, ота футболчини ўғли билан бирга суратга туширди. Шундан сўнг Мата уни кутиб турган автобусга етиб олиш уcнун чопқиллаб кетди.
