«Спарта Прага» клубининг дарвозабони Томаш Коубек «Зброёвка» (3:3) клубига қарши ўйиндан сўнг, бош ҳакамнинг аёл ёрдамчиси ҳақида ноўрин гапларни айтган эди.
Хусусан у, «Хотинларга эркаклар футболида бало борми, уларнинг жойи ошхонада» - деган.
Шундан сўнг клуб президенти Адам Коталик дарвозабонни аёллар жамоасига бадарға қилди.
«Коубек аёллар жамоамиз билан машғулот ўтказади. Балки шунда аёлларнинг ўрни фақат ошхонада эмаслигига ишонч ҳосил қилар» - деди Адам Коталик.
«Спарта Прага» - «Зброёвка» ўйинида меҳмонлар футболчиси сўнгги сонияларда офсайддан гол уриб, жамоасини мағлубиятдан қутқариб қолган эди.