Ўзбекистон U-19 ёшлар терма жамоаси бош мураббийи Жасур Абдураимов Осиё чемпионатида иштирок этадиган таркибни эълон қилди.

Аввалроқ хабар берилганидек, 13 октябрь куни Баҳрайнда U-19 ёшлар ўртасидаги Осиё чемпионати ўйинлари старт олади. Мазкур турнирда иштирок этадиган Ўзбекистон U-19 ёшлар терма жамоаси 5 октябрь куни БААнинг Дубай шаҳрига жўнаб кетади. Терма жамоа Дубай шаҳрида бир ҳафта давомида йиғин ўтказади ва Баҳрайнга йўл олади.

Ўзбекистон ёшлар терма жамоаси бош мураббийи Жасур Абдураимов мазкур турнирга жами 22 нафар футболчини таркибга киритган. Улар орасида “Қўқон-1912” жамоаси аъзоси Ойбек Рустамов ҳам бор.