«Тоттенхэм»нинг собиқ футболчиси Ризвон Хамид клубдан 7 миллион фунт ундириб олди, деб хабар бермоқда Daily Mail.

2006 йили Хамид клуб билан шартнома имзолаган. Тиббий кўрикдан ўтиш пайтида унинг юрагида муаммо борлиги аниқланган. Шундай бўлса-да, клуб шифокори Миллс унга футбол ўйнаш учун рухсат берган. Натижада футболчи биринчи ўйиндаёқ ҳушидан кетиб, юраги тўхтаб қолган. Мия ҳужайралари ҳам жиддий лат еган.

Яқинда бўлиб ўтган суд бу можарода клубнинг айби 70%, шифокор Миллснинг айби 30% эканини тасдиқлаб, катта миқдордаги маблағни собиқ футболчига ундириб берди.