ФИФА аҳлоқ қўмитаси президент Жанни Инфантинога қарши янги иш очганини маълум қилди.
Гап шундаки, 2015 йили УЕФА ташкилоти Словенияга 4 миллион евро кредит ажратган. Бироқ у УЕФАнинг молиявий қўмитаси томонидан маъқулланмаган, балки мулозимларнинг рухсати билан бериб юборилган.
Ҳужжатга Платини, Инфантино, Лефкаритис, Коллер ва Теодоридис имзо чеккан. Ўз навбатида Словения футбол федерацияси бу пулларни букмекерлик компаниясининг акцияларини сотиб олишга сарфлаган.
Натижада ФИФА аҳлоқ кодексининг 25-моддаси бузилган. Унга кўра ФИФА мулозимларини футбол ўйинларига пул тикиш билан боғлиқ ишларга аралашиши қатъий тақиқланган.