Ўзбекистон терма жамоаси эртага ЖЧ-2018 саралашининг 3-тури доирасида Тошкентда Эронни қабул қилади. Учрашув олдидан Эрон терма жамоасининг собиқ футболчиси Ҳоди Оқилий маҳаллий матбуотга интервью бериб, эртанги учрашув борасида ўз фикрларини билдириб ўтди.

— Фаолиятингиз давомида Ўзбекистонга қарши неча марта ўйнагансиз?
— Терма жамоа ва клуб доирасида ўзбек жамоаларига қарши 4-5 марта майдонга тушганман. Ўзбекистон жуда яхши терма жамоа. Ўзбек жамоаларига қарши ўйин сафарда ҳам, ўз уйимизда ҳам ҳамиша қийин кечган. Одатда Осиё чемпионлар лигасининг гуруҳ босқичида араб ёки ўзбек клубларига қарши ўйнардик. "Сепоҳон"да таркибида ўзбек жамоалари билан тўқнаш келганман.

— Эртага бўладиган Ўзбекистонга қарши ўйин борасида қандай фикрдасиз?
— Терма жамоамизнинг ўтган ойдаги 2та ўйинларига назар ташласангиз, биз уларда рақибларга устунликка эришганимизга гувоҳ бўламиз. Айниқса, ҳимоя чизиғимиз яхши ҳаракат қилди. Ўзбекистоннинг эса ҳужум чизиғи кучли. Жаҳон чемпионатининг аввалги саралаш босқичида Ўзбекистоннинг ҳимоясида муаммолар борлиги кўринганди, лекин рақибимиз ҳужумда яхши ҳаракат қилади. Бахтимизга, Кейруш жамоасига мустаҳкам ҳимояга эга ва яхши қарши ҳужумга эга.

— Ўйинга башоратингиз?
— Эрон бу ўйинда ғалаба учун майдонга тушиши керак. Бу баҳсда Эроннинг гол уриш эҳтимоли юқори. Агар Эрон фақат ҳимояга ётиб олса, муаммоларга дуч келиши мумкин. Биз бу баҳсда тўғри тактика танлай олсак, ғалаба қозона оламиз, деб ўйлайман.