Олий лиганинг 24-турида бўлиб ўтган ўйиндан сўнг қисқа муддатли таътилга чиққан «Машъал» футболчилари бугундан яна машғулотларни бошлашди.
Бугунги машғулот «Машъал»нинг янгиердаги стадионида ўтказилди ва айни пайтда жамоа билан бирга бўлиб турган барча футболчилар иштирок этишди. Хабарингиз бор, миллий терма жамоамизнинг Жаҳон чемпионати саралаш босқичида иккита ўйин ўтказиши туфайли олий лигада танаффус юзага келган. Жамоамизга хам, қисқа муддатли таътил берилган эди.
Танаффусдан унумли фойдаланиш мақсадида «Машъал» 9 октябр куни “Сўғдиёна”га қарши ўртоқлик учрашуви ўтказади.
Бу ўйин қайси стадионда бўлиб ўтиши ва соат нечада бошланиши ҳақида кейинроқ маълумот берамиз.
