ЖЧ-2018 саралаш босқичида Ўзбекистон билан бир гуруҳдан ўрин олган Жанубий Корея ва Қатар термалари ўзаро майдонга тушишди.

Учрашув корейсларнинг устунлигида бошланди. Ки Сонг Юнг 11-дақиқадаёқ мезбонларни ҳисобда олдинга олиб чиқди. Орадан 5 дақиқа ўтгач Ҳасан ал-Ҳайдос 11-метрлик жарима зарбасини голга айлантириб ҳисобни тенглаштирди. Биринчи таймнинг охирида Себастян Сория Куинтана кутилмаганда Қатарни ҳисобда олдинга олиб чиқди - 1:2.

Иккинчи таймнинг 11-дақиқаси ҳам мезбонлар учун омадли келди. Жи Донг Вон мувозанатни тиклаган бўлса, орадан 2 дақиқа ўтар ўтмас Сон Хеунг Мин Жанубий Кореяга ғалаба келтирувчи голга муаллифлик қилди.

Ўйиннинг қолган 25 дақиқасида бир киши кўп бўлиб ўйнаган Қатар ҳисобни тенглаштира олмади.

Ушбу ғалабадан кейин Жанубий Корея очколари сонини 7 тага етказиб, вақтинча 1-ўринга чиқиб олган бўлса, Қатар 0 очко билан охирги ўринда қолди.

ЖАНУБИЙ КОРЕЯ - ҚАТАР 3:2
Голлар: Ки Сонг Юнг (11), Жи Донг Вон (56), Сон Хеунг Мин (58) - Ҳасан ал-Ҳайдос (16-пен.), Себастян Сория Куинтана (45)
Жанубий Корея: 23.Ким Сеунг Гю, 4.Ким Ки Хи, 6.Хонг Чул, 7.Сон Хеунг Мин, 9.Сук Хюн Жун, 11.Жи Донг Вон, 13.Ку Жа Чол, 15.Хонг Жонг Хо, 16.Ки Сунг Юнг, 19.Жунг Ву Юнг, 20.Жанг Хюн Су
Қатар: 22.Саъд аш-Шийб, 3.Абдулкарим Ҳассан, 6.Муҳаммад Касола, 7.Родриго Барбоса Таба, 9.Аҳмад Муҳаммад, 10.Ҳасан ал-Ҳайдос, 15.Педро Коррея, 16.Буалим Хухий, 18.Луиз Жуниор, 19.Аҳмад Ёсир, 23.Себастьян Сория