Франция футбол федерацияси раҳбари Ноэль Ле Грэ ҳужумчи Карим Бензема миллий терма жамоада ўйнаши мумкинлиги ҳақида гапирди.
«Бензема терма жамоага чақирилиши мумкин. Мен одамларни умрбод жазоламайман. Уни иши тергов қилинмоқда. Менимча энди ҳаммаси орқада қолди.
Биз футболчиларни мукаммал ва авлиё бўлишини талаб қила олмаймиз. Ҳамма хато қилади. Бироқ футболчи бошқаларга ўрнак бўлиши шарт» - деди Ле Грэ Le Figaro хабарида.
Эслатиб ўтамиз, Бензема жамоадоши Вальбуэнадан пул ундириб олиш учун шантаж қилгани туфайли терма жамоадан четлатилган эди.