Финляндия терма жамоаси ва Россиянинг ЦСКА клуби ярим ҳимоячиси Роман Ерёменко УЕФА томонидан 30 кунга футболдан четлатилди. Шу боис, футболчи кеча бўлиб ўтган ЖЧ-2018 саралаш босқичи доирасида Исландияга қарши ўйинда (2:3) иштирок этмади.
Ерёменко терма жамоа қароргоҳини тарк этди ва Хорватияга қарши кечадиган навбатдаги ўйинда ҳам қатнашмайди. Шунингдек, у ЦСКА таркибида Чемпионлар лигаси доирасида "Монако"га қарши ўйинни ҳам ўтказиб юборади.
Ерёменконинг дисквалификацияси ҳақида армиячилар расмий сайти бугун батафсил маълумот тарқатиши кутилмоқда.