Футбол бўйича Бразилия терма жамоаси собиқ ҳужумчиси Ромарионинг уйи ўғрилар томонидан тунаб кетилди. Бу ҳақда «Sport.es» нашрига таяниб, «ТАСС» хабар бермоқда.
Жиноятчилар ноутбук ва Ромарионинг кўплаб футболкаларини ўғирлаб кетди. Ўғрилар воқеа содир этилган жойга яқин бўлган автобус бекатида қўлга олинди. Барча ўғирланган буюмлар улар билан бирга эди.
Маълумот учун, Ромарио 2008 йилда футболчилик фаолиятини якунлаган. У Бразилия термаси сафида 1994 йилги жаҳон чемпионати ғолиби бўлган.
2010 йилда эса Ромарио Бразилия социалистик партиясидан Миллий Конгресснинг қуйи палатасига сайланди.
