Аргентина терма жамоаси ҳужумчиси Серхио Агуэро ўз ватанида ўзини ҳақоратлангандек ҳис қилмоқда. "Альбиселесте" сўнгги ўйинларда муваффақиятсиз иштирок этаётгани учун ОАВ ва мухлислар терма жамоани кескин танқид остига олишди.

Аввалроқ Аргентина терма жамоаси бош мураббийи Эдгардо Баусуни фақат Лионель Мессининг дўстларини термага таклиф қилаётганликда айблашганди. Агуэро эса мазкур айблов айнан ўзига қаратилган деб ҳисобламоқда.

«Мени пессимист деб аташмоқда, лекин мен тортишмоқчи эмасман. Бу менга хос хусусият эмас. Ҳаттоки ёш болалар ҳам менга шу ҳақида гапиришмоқда. Лекин ҳақиқат шундаки, улар эшитган нарсасини такрорлашмоқда. Қайси гап менга кўпроқ таъсир қилди? Мессининг дўстлари терма жамоада ўйнаши керак эмас деган гап. Бу гап менга қаратилгани очиқ-ойдин кўриниб  турибди. Мен фақат Мессининг дўсти бўлганим учунгина ўйнаётган эмишман. Энг ёмони, одамлар бу гапларга ишонишади», — дейди Агуэро.

Аргентина терма жамоаси мазкур сўнгги ўйинларда ўта муваффақиятсиз иштирок этди. Жамоа Венесуэла ва Перу билан 2:2 ҳисобида дуранг ўйнаган бўлса, Парагвайга имкониятни бой берди.