Ўзбекистон чемпионатида энг кўп ўйин ўтказган, шонли тарихга эга “Нефтчи” ҳамда “Пахтакор” клублари Олий лига 25-тур доирасида ўзаро тўқнаш келишмоқда.
Принципиал рақиблар ўртасидаги қарама-қаршиликлар хар доим кескин курашларга бой ўтган. Хабарингиз бор, жорий мавсумда “Нефтчи” ва “Пахтакор” клубилари ўртасидаги дастлабки баҳс Тошкентда бўлиб ўтди. Унда фарғоналик футболчилар узоқ йиллик танаффусдан сўнг Пойтахт клубини мағлуб этишга муваффақ бўлишди.
Орадан кўп ўтмай, мухлислар “Нефтчи” ва “Пахтакор” иштирокидаги яна бир баҳсга гувоҳи бўладилар. 15 октябрь куни Андрей Фёдоров жамоаси Фарғонада Тошкентнинг “Пахтакор” клубини қабул қилади. Учрашув вақти соат 16:00га белгиланган. Беллашув Фарғона шаҳридаги “Истиқлол” стадионида бўлиб ўтади. Одатга кўра, ўйиндан бир кун аввал хар иккала жамоа ўринборсарлари ўртасидаги баҳс ҳам ўтказилинади. Ушбу баҳс Қиргулидаги “Нефтчи” СК стадионида соат 15:00да бошланади.
Барча мухлисларни ушбу ўйинларга таклиф қилиб қоламиз!
"Нефтчи" матбуот хизмати
