Ҳозирда барчамиз глобал ахборот замонида яшамоқдамиз. Бугунги кунда турли хил маълумотларнинг тарқалиш тезлиги жуда тез. Улар ичида яхши ва ижобий бўлмаганлари мавжуд экани эса сиз-у бизни огоҳ бўлишга даъват этади.
Айни пайтда “Локомотив” мамлакат чемпионлиги ҳамда кубогини қўлга киритиш учун ҳаракат қилмоқда. Клуб рахбарияти барча жабҳада ишни профессионал тарзда йўлга қўйишга интилинмоқда.
Шу муносабат билан “Локомотив” футбол клуби матбуот хизмати турли ОАВ вакиллари, газета, сайт, радио ҳамда телевидение соҳасида фаолият олиб бораётган журналистларни бевосита ҳамкорликка чорлашини маълум қилади. Агар сизнинг нашрингиз жамоамиз иштирокидаги учрашувларини ёритиб бормоқчи бўлса, “Локомотив” жамоаси машғулотини кузатиш ёхуд бирор бир ўйинчимиз билан суҳбат уюштириш ниятида бўлсангиз – “Локомотив” матбуот хизматига бемалол мурожаат қилишингиз мумкин. Айниқса, футболчилар билан интервью уюштириш борасида келган ҳеч бир сўровни жавобсиз қолдирмасликка ҳаракат қиламиз. Бундай қилишдан мақсад эса – келиб чиқиши мумкин бўлган баъзи бир тушунмовчиликларни олдини олишдир.
Умид қиламизки, “Локомотив” иштирокидаги ўйинларни ёритиш учун ташриф буюрадиган ҳар бир журналист стадионимиздан мамнун ҳолда кетади. Биз сиз билан ҳамкорлик қилишдан хурсандмиз!
Мурожаат учун телефон: +998712862412
