«Арсенал» клубининг собиқ скаути Дамьен Комолли ҳужумчи Криштиану Роналдуни жамоага олиб келмоқчи бўлгани ҳақида гапирди.
«Роналдуни 15 ёшлигида, болалар мусобақасида кўриб қолганман. «Жин урсин, бу ким бўлди ўзи?» - деб юборганман. Шундан сўнг, португалиялик ҳамкасбим билан у ҳақда гаплашиб олдим.
Роналду «Арсенал» қароргоҳига икки марта келган, буни ҳеч ким билмайди. Аммо трансферга навбат келганида, бизда пул топилмаган.
Бир неча ойдан сўнг, «Спортинг» ва «МЮ» Лиссабонда ўртоқлик ўйини ўтказганида, Фергюсон Роналдуни кўриб қолган ва «Бу йигитча «Юнайтед» клубида ўйнаши керак» - деган» - деди Комолли SFR Sport хабарида.
Эслатиб ўтамиз, Роналду 2003 йили 17,5 млн евро эвазига «Спортинг»дан «Манчестер Юнайтед»га ўтган эди.
