"Бунёдкор" - "Насаф" (1:0) ўйини якунига еткач, матбуот анжуманининг дастлабки қисмида жамоамиз бош мураббийи Рўзиқул Саъдуллаевич иштирок этди ва қуйидаги фикрларни билдирди.
-Бугун рақибимиз натижа учун ўйнади ва бунга эришди. Менимча биз “Бунёдкор”га нисбатан яхши ўйин намойиш этдик, мақсадимиз камида дурангга эришиш эди, афсуски мақсадимизга эриша олмадик. Биринчи бўлимда ўйин тенг курашлар остида кечган бўлса, иккинчи бўлимда тўлиқ ташаббусни қўлга киритиб, позицион ҳужумлар уюштирдик, аммо бундан фойда бўлмади. “Бунёдкор” жамоасини ғалаба билан табриклайман.
Бугун Шерзод Аъзамовнинг жароҳат олгани учун алмаштирдик. Огнен Красич ҳам яқинда жароҳат олиб даволанди, шу туфайли у кейинги машғулотларимизда иштирок эта олмади. Шунинг учун уни заҳирадан майдонга туширдик. Шуҳрат Муҳаммадиевни алмаштиришимиз, бу ўйинга танланган тактика юзасидан амалга оширилди. Тўғри, иккинчи бўлимда майдонга тушган ўйинчиларимиз ўйинимизни кучайтиришди, лекин натижа кутганимиздек бўлмади.
