Олий лига 25-тур доирасидаги “Нефтчи” – “Пахтакор” (1:0) баҳсидан кейин тошкентликлар вакили Жалолиддин Машарипов ўз фикрлари билан ўртоқлашди.
- Қийин ўйинда иштирок этдик. Бугун бизда гол киритиш учун кўплаб имконият юзага келди. Афсуски, улардан фойдалана олмадик. Бир тарафдан омад ҳам етишмади. Энди бугунги мағлубиятни унутиб кейинги ўйинларга хозирлик кўрамиз. Насиб қилса, навбатдаги учрашувларда мухлисларимизни хурсанд қиламиз, - деди Жалолиддин Машарипов.