«Торино» ҳужумчиси Макси Лопес бир неча йил олдин Италия мафияси вакилларидан «Интер» ҳужумчиси Мауро Икарди билан «орани очиқ қилиш» ҳақида таклиф олган.
Гап шундаки, қалин дўст бўлишларига қарамай, Икарди Макси Лопеснинг хотини билан ишқий муносабат ўрнатиб, уни ўз томонига оғдириб олган ва кейинчалик унга уйланган. Натижада, Икарди Аргентина терма жамоасига чақирилмай қўйган.
Журналист Карлос Монти хабарига кўра, Лопес «Катания» клубида ўйнаган пайтда, мафия вакиллари унга ўз хизматларини таклиф қилиб, Икардининг икки оёғини ҳам синдириб бермоқчи бўлишган. Бироқ Лопес уларни таклифини рад қилган.
