«Боруссия Д» клубининг франциялик ҳужумчиси Усмон Дембеле мухлислар талқини бўйича «Golden Boy-2016» совринига эга бўлди.
France Football нашри томонидан мухлислар орасида ўтказилган сўровномада, у «энг яхши ёш футболчи» соврини эгасига айланди.
19 ёшли футболчи 33% овоз тўплади. Иккинчи ва учинчи ўринларни «Бавария» футболчилари Ренату Саншеш (13%) ва Кингсли Коман (13%) эгаллади.
Эслатиб ўтамиз, Tuttosport нашри томонидан таъсис этилган ҳақиқий «Golden Boy-2016» соврини сўровномасида «Милан» дарвозабони Жанлуижи Доннарумма (12%) пешқадамлик қилмоқда.