«Интер» ҳужумчиси Мауро Икарди мухлислар томонидан сардорлик боғичидан маҳрум этилиши ҳақидаги талабларга ўз муносабатини билдирди.
«Муҳтарам Curva Nord мухлислари. Мен бу воқеа юзасидан қизишиб кетганимни, китобимдаги баъзи гапларни ноўрин эканини тан оламан. Ҳеч кимни хафа қилиш ёки камситиш ниятим йўқ эди.
Ҳар бир голни сизлар билан нишонлашни истайман. Сизларни розилигингиз мен учун муҳим, чунки «Интер»ни қалбдан яхши кўраман. Умид қиламанки сизларни қанчалик ҳурмат қилишимни тушуниб етдингиз» - деди Икарди.
