29 ёшли ҳужумчи Федерико Мелкиорри миясида қилинган жарроҳлик амалиётидан сўнг футболга қайтиб, «Интер»га (1:2) қарши ўйинда «Кальяри» клубига шов-шувли ғалабани келтирди.

Бу мавсумдан олдин, футболчи А серияда 10 йил илгари, «Сиена» клуби таркибида ўйнаганди. Кейинчалик у Д серия клубига сотиб юборилди, у ерда камдан-кам ҳолларда гол урди. 2010 йили унинг миясида ўсма борлиги аниқланди. Жарроҳлик амалиётидан сўнг, футболчи яна Д серияга қайтди ва сермаҳсул ўйин намойиш қила бошлади.

Натижада 2013 йили В серия вакили «Падова» клубига ўтди. У ерда ҳам ҳужумчилик маҳоратини намойиш қилиб, А серия иштирокчиси «Кальяри» клубидан таклиф олди.

«Интер»га қарши ўйинда футболчи 1 гол уриб, 2-голга олиб келган вазиятга сабабчи бўлди. Унинг зарбасидан сўнг дарвозабон Ҳанданович тўпни ўз дарвозасига киритиб юборди.