«Манчестер Юнайтед» клуби дарвозабон Сэм Жонстон билан янги шартнома имзолагани ҳақида хабар тарқатди.

23 ёшли англиялик посбон билан шартноми 2018 йилнинг июнига қадар узайтирилди ва унда келишувни яна бир йилга чўзиш мумкинлиги ҳақида банд бор.

«Сэм – катта салоҳиятга эга дарвозабон. Бу ёш футболчи — катта профессионал, у ўз ишига аъло даражада ёндашади. Клубга келганимга кўп вақт бўлмаган бўлса-да, у катта ўсишга эришди.

У ўз келажагини «Манчестер Юнайтед» билан боғлаганидан хурсандман", — дейди клуб бош мураббийи Жозе Моуриньо.

Жонстон «МЮ» академияси тарбияланувчиси ҳисобланади. У 10 йилдан бери жамоа тизимида. У «Юнайтед»нинг бош жамоаси таркибида ҳали бирорта ўйинда иштирок этмаган, 8 марта турли клубларга ижарага берилган.