Football-rankins.info веб-сайти терма жамоаларнинг ЖЧ-2018га чиқиш имкониятларини чамалаб чиқди. Жумладан, веб-сайт Осиё терма жамоаларининг имкониятларини қуйидагича ҳисоб-китоб қилган.

"А" саралаш гуруҳида иштирок этаётган Ўзбекистон терма жамоасининг ЖЧ-2018 йўлланмасига эга бўлиш имконияти 49,6%га баҳоланган. Гуруҳ пешқадами бўлиб турган Эроннинг имконияти эса 93,33%га тенглаштирилган. Сайт тахминига кўра Жанубий Корея терма жамоаси гуруҳда 2-ўринни эгаллаб, ЖЧ йўлланмасига эга бўлади — 72,04%.

Таъкидлаш лозимки, терма жамоамиз Эронга ютқазиб қўйганидан кейин, Football-rankins.info 7 октябрь куни эълон қилган материалда, Ўзбекистон терма жамоасининг Мундиал йўлланмаси учун курашдаги имконияти 39,7 фоизга баҳоланганди. Хитой устидан қозонилган ғалабадан кейин имкониятларимиз 10%га ошганини кўриш мумкин. Ж.Кореянинг Эронга қарши ўйинидан олдин имконияти 79,16% дея чамаланганди.

Бундан ташқари, тахминий ҳисоб-китобларга кўра, Ўзбекистон ўз гуруҳида 3-ўриндан пастга тушиб кетмайди. "В" гуруҳида Саудия Арабистони терма жамоасининг 3-ўринни эгаллаш имконияти юқори баҳоланган. ЖЧ-2018 йўлланмаси учун плей-офф босқичида тўқнашувида Ўзбекистоннинг имконияти 60,2%, Саудияники 32,0% деб берилган. КОНКАКАФ жамоаси билан бўладиган тўқнашувда Ўзбекистоннинг имконияти 57,8%, Саудия Арабистониники эса 43,8%га тенглаштирилган.

КОНКАКАФ минтақасида 4-ўринни Панама терма жамоаси эгаллаши тахмин қилинган ва унинг қитъалараро плей-офф тўқнашувидаги ғалаба қозониш учун салоҳияти 43,8% дея тахмин қилинган.