«Интер» мухлислари уюшмаси клуб раҳбариятининг Мауро Икардини сардор қилиб қолдириш ҳақидаги қарорига ўз муносабатини билдирди.
«Биз бу қарорга қаршимиз ва унинг сабабларини билишни истаймиз. Икардининг китобида ёзилган гаплардан сўнг у билан яхши муносабатни тиклашнинг иложи йўқ.
У бизга жиддий айбларни қўйди. Афсуски миллионлаб пулларни талаб қиладиган, ўзини эса эркалаб кетган боладек тутадиган бундай кимсаларнинг исканжасига тушиб қолганмиз. Мухлисларга аҳмоқлардек муносабатда бўлиш мумкин эмас.
Икарди биз учун ўлик.
У ўз китобини савдодан қайтариб олиши шарт, шундагина бу иш ёпилади» - деди «нерадзурри» фан ҳаракати - Ultra Group аъзоси Франко Каравита.
