Бугундан Европа чемпионлар лигасининг гуруҳ босқичида 3-тур ўйинлари бошланади.
"Реал" бугун ўз майдонида Польшанинг "Легия"ни қабул қилса, "Барселона" эса "Камп Ноу"да "Манчестер Сити" билан баҳс олиб боради. "Қироллик клуби" ҳужумчиси Криштиану Роналду ҳозирда яхши формада эканини намойиш қилмоқда. У Португалия терма жамоаси ва "Мадрид" сафидаги сўнгги баҳсларда бир нечта голлар урди.
"Кўк-анорранглилар" етакчиси Лионеь Месси эса жароҳатдан фориғ бўлди ва "Депортиво"га қарши ўйинда захирадан майдонга тушганига қарамай, гол уришга муваффақ бўлди. Аргентиналик футбочли аста-секин формасини тиклаб бормоқда ва бугун "Манчестер Сити"га қарши ўйинда асосий таркибда майдонга тушиши кутилмоқда.
Хўш, иштаҳаси очилиб бораётган Роналду ва Месси навбатдаги голларни уриш учун "Легия" ва "Манчестер Сити" клублари "гўшт" бўлишадими? "Реал" ва "Барса" мухлислари шуни кутишмоқда. Жумладан, карикатурачи-рассом Жавлон Назаров ҳам шундай фикрда.
