«Реал» клубининг собиқ дарвозабони Ежи Дудек ҳужумчи Альваро Мората ва яримҳимоячи Марко Асенсио ҳақида ўз фикрини маълум қилди.
«Ҳар иккаласи ҳам ўтган мавсумда яхши ўйнади. Аммо «Реал» футболчилари, айниқса ёшлар, руҳий курашларга ҳам тайёр туришлари лозим. Баъзилари клубларида ёрқин ўйин намойиш этиб, «Реал»га ўтгач йўқолиб қолишади. Чунки босим уларни еб ташлайди.
Мората ҳам «Ювентус»да ажойиб ўйнади, «Реал»га келгач шарпага айланди. Билмадим, у ўзининг қалбидан ўрин олган клубда маҳоратини намойиш қила олармикан» - деди Дудек Wyborcza хабарида.
