Ҳимоя чизиғи вакилларига ҳам сўнгги вақтларда кўплаб миллионлар сарфланмоқда. Қуйида эътиборингизга ҳимоя вакилларига сарфланган улкан маблағлар хусусида сўз юритамиз.

5. Эляким Мангала (“Манчестер Сити”) – 32 млн. фунт

Мангала "Порту"даги ажойиб ўйинлари билан "Манчестер Сити"нинг қизиқишлари доирасига тушганди. Кейинчалик "Сити" уни 32 миллион фунт стерлинг эвазига сотиб олди. Лекин Гвардиола келганидан кейин қимматбаҳо ҳимоячига жамоада жой топилмади. Натижада, у айни пайтда "Валенсия"да ижара асосида тўп сурмоқда.

4. Николас Отаменди (“Манчестер Сити”) – 33 млн. фунт

“Шаҳарликлар”нинг энг қимматбаҳо харидларидан бири айнан Отамендидир. Йодингизда бўлса, ўтган йили аргентиналик футболчи “Сити” билан беш йиллик шартнома имзолаган эди. Келишув эса 33 млн. фунтни ташкил этган. Отаменди айнан ишончли ўйинлари унинг трансфер баҳосини янада ошишига сабаб бўлди.

3. Тиаго Силва (“ПСЖ”) – 33.1 млн фунт

Тиаго 2011 йил Ибрагимович билан “Милан”дан харид қилинади. Бугунги кунда жаҳондаги энг яхши марказий ҳимоячиларидан бири бўлган Силва учун “ПСЖ” президенти 33.1 млн. фунт тўлган. Силва ўзининг ишончли ўйинлари билан клубнинг сардори бўлиш даражасига чиқиб олди.

2. Давид Луиз (“ПСЖ”) – 40 млн. фунт

Давид Луиз эса футбол тарихидаги энг қиммат ҳимоячилардан биридир. Аввалига “Челси” Луизни катта пул эвазига отиб олади. Лондондаги муваффақиятли ўйинларидан сўнг уни 2014 йил “ПСЖ” харид қилади. "ПСЖ" бразилиялик ҳимоячи трансфери учун 40 миллион фунт стерлинг сарфлади. Шундай қилиб, Луиз энг қимматбаҳо ҳимоячилар рўйхатида иккинчи ўринда бормоқда.

1. Жон Стоунз (“Манчестер Сити”) – 47.5 млн. фунт

"Эвертон"да ёрқин ўйинлари билан Стоунз бир нечта клубларнинг қизиқишига сабаб бўлганди. Унга "Арсенал", "Манчестер Сити" клублари жиддий қизиқиш билдирди. Бироқ "шаҳарликлар" якунда сотиб олди. "МС" унинг трансфери учун 47, 5 миллион фунт стерлинг сарфлади. Шундай қилиб, Жон Стоунз айни пайтда энг қимматбаҳо ҳимоячилар рўйхатини бошқариб турибди.