“Нефтчи” билан бўладиган вилоят дербисига жамоамиз футболчилари қизғин тайёргарлик кўрмоқдалар. Стадионга келган мухлислар шанба куни чиройли футбол гувоҳига айланишлари шубҳасиз.
Машғулотларда барча футболчилар иштирок этишмоқда. Фақатгина Ойбек Рустамов 19 ёшгача бўлган футболчилар ўртасидаги Осиё чемпионатида ватанимиз терма жамоаси сафида ҳаракат қилаётгани боис ҳозир Баҳрайн давлатида бўлиб турибди.
Иқбол Маликжонов ва Азиз Ашуровлар жароҳатидан фориғ бўлиб умумий гуруҳда шуғулланмоқдалар. Азиз Тўхтабоев ва Баҳодир Акрамовлар эса алоҳида шуғулланмоқдалар.
