"Барселона" яримҳимоячиси Серхио Бускетс ЕЧЛ гуруҳ босқичида "Манчестер Сити" билан учрашувда рақиб дарвозабони Клаудио Бравонинг четлатилишига муносабатини билдирди.
Каталонияликларнинг собиқ посбони иккинчи бўлим бошида қоида бузгани учун майдондан четлатилди, бу вақтда "Барселона" бир тўп билан олдинда бораётган эди. Якуний натижа 4:0 кўриниш олди.
"Ўз ҳамкасбингга бундай хато тиламайсан. Браво "Барселона"да ўйнаган, унинг учун кўп иш қилган ва унинг хатоси мени ҳам хафа қилди. Бу футбол, бунда ҳамманинг ўз қизиқиши бор", - дейди Бускетс.