Яримҳимоячи Месуи Ўзил жамоа бош мураббийи Арсен Венгернинг келажаги ноаниқлиги сабабли клуб билан шартномасини узайтирмаяпти, дея хабар беради Goal.com.
Ўзил француз мутахассисининг "Арсенал"да қолишини истамоқда ва уни клубда ҳал қилувчи ролга га инсон сифатида билади. "Арсенал" Венгерга янги шартнома таклиф қилди, амалдаги шартнома янги йилнинг ёзида ниҳоясига етади.
Немис футболчисига Венгер қўл остида ўйнаш ёқади, шунинг учун мураббийнинг клубдаги тақдири ижобий ҳал бўлган тақдирдагина шартномасини узайтирмоқчи. Акс ҳолда Ўзил шартномасини узайтирмаслиги мумкин.
Ўзил ва "Арсенал" ўртасида шартноманинг барча бандлари келишиб бўлинган.