Европа професиионал футбол лигалари ассоциацияси (EPFL) Чемпионлар лигасининг ислоҳоти туфайли УЕФА билан имзоланган ҳамкорлик тўғрисидаги келишувни тўхтатди.
Гап шундаки, август ойида УЕФА Чемпионлар лигасининг 2018/19, 2019/20 ва 2020/21 мавсуми учун янги форматни жорий қилди. Унга кўра, энг юқори рейтингга эга тўртта мамлакатнинг тўрттадан клубига Чемпионлар лигасининг гуруҳ босқичидан кафолатланган ўрин ажратилди, яъни улар саралаш мусобақаларисиз гуруҳ босқичига йўл олади. Натижада бошқа лигаларнинг вакиллари учун Чемпионлар лигасининг гуруҳ босқичидаги ўрин камаяди.
EFPL мажлисида, унга аъзо 23 мамлакатдан 22таси ҳамкорликни тўхтатилишини ёқлаб овоз берди. Энди Европа лигалари УЕФА қарамоғидаги мусобақалар куни ҳам чемпионат ўйинларини ўтказишлари мумкин бўлади.