Чоршанба оқшомида Чемпионлар Лигаси доирасида "Манчестер Сити"га қарши кечган уй учрашувида ҳимоячи Ферлан Менди захирага олинган эди. Франциялик футболчи тиббий кўрикдан ўтди ва "Реал" клуб расмий сайти орқали унинг натижаларини эълон қилди.
Мендининг ўнг оёқ сон бицепс мушагида жароҳат аниқланган. "Қаймоқранглилар" ҳимоячининг тикланиши учун қанча вақт кетишини очиқлашмаган. Аввалроқ пайдо бўлган маълумотларга кўра, Менди "Манчестер Сити"га қарши жавоб ўйинини аниқ ўтказиб юборади, шунингдек, келаси ҳафтадаги "Атлетико" билан Ла Лига баҳсини ҳам ўтказиб юбориш хавфи бор.
"Реал" ўзининг навбатдаги ўйинини 14 март куни чемпионат доирасида ўз майдонида "Эльче"га қарши ўтказади.
