«Насаф» - «Навбаҳор» (6:0) ўйинидан кейин ўтказилан матбуот анжуманида мезбонлар устози Рўзиқул Бердиев ўз фикрини маълум қилди.

Р.Бердиев: - Биринчи навбатда мухлисларга ва ОАВ вакилларига табрик учун раҳмат айтиб ўтаман. Туғилган кунда бундай табриклар ва қутловларни эшитиш ёқимли. Ўйин борасида гап кетганида, якуний натижа ҳам устунликни тўлиқ биз томонда бўлганлигини кўрсатиб турибди. Бугун “Навбаҳор”дан ҳар томонлама устунлик қилдик. Бунинг самараси ўлароқ йирик ҳисобда ғалаба қозондик. Чиройли ва мазмунли ўйин орқали мухлисларимизни ҳурсанд қилдик деб ўйлайман. Футболчиларимизга ғалаба учун раҳмат айтаман. Улардан ҳар доим шундай ҳужумкор, эркин ва чиройли ўйин кўрсатишни талаб қиламиз. Футболчилар олдига шунча гол уринглар, бугун туғилган куним деб кўрсатма бермаганман. Уларни олдига уч очкони қўлга киритиш вазифа қилиб қўйгандик. Муҳими ғалаба саналади. Баҳс давомида гол уриш учун бир қатор имкониятларга эга бўлдик. Шу сабабли нафақат олтита балки ундан ҳам кўпроқ гол уришимз мумкин эди. Чинданам олдимизда “Локомотив” жамоасига қарши муҳим учрашув кутиб турибди. “Темирйўлчилар”га қарши баҳсда ҳам мухлисларимиз ишончини оқлашга ҳаракат қиламиз.