Англия Премьер-лигасининг 9-тури доирасида "Манчестер Сити" ўз майдонида "Саутгемптон"ни қабул қилди ва дурангга имзо чекди.

Баҳснинг 28-дақиқасида "шаҳарликлар" ҳимоячиси Стоунз қўпол хатога йўл қўйди. У тўпни орқага етказиш чоғида ноаниқ узатма берди. Натижада меҳмонлар футболчиси Редмонд тўпни эгаллаб олди ва Бравони алдаб ўтиб, бўш дарвозани ишғол қилди.

Иккинчи бўлим бошида Гвардиола шогирдлари ҳисобни тенглаштиришди. Захирадан тушганига кўп бўлмаган Ихеаначо рақиб дарвозасини ишғол қилди. Қолган дақиқаларда "Саутгемптон" яхши ҳимояланди ва дурангни сақлаб қолди.

"Манчестер Сити" эса АПЛдаги мавсум бошидаги кетма-кет 6та ғалабадан кейин сўнгги 3та ўйинда 2 очкони қўлга киритди. Жамоа ЕЧЛ доирасида 2та ўйинда ғалаба қозона олмаганини инобатга олсак, Гвардиола жамоасининг ғалабасиз ўйинлар серияси 5тага етди.

АПЛ, 9-тур
Манчестер Сити – Саутгемптон 1:1 (0:1)
Голлар: 0:1 – 27 Редмонд, 1:1 – 55 Ихеаначо.
Манчестер Сити – Браво, Компани (Навас, 78), Стоунз, Коларов, Сане (Нолито, 90), Гюндоган, Сильва, де Брюйне (Ихеаначо, 46), Фернандиньо, Стерлинг, Агуэро.
Саутгемптон – Форстер, ван Дейк, Фонте, Мартина, Маккуин, Тадич (Буфаль, 70), Ромеу, Редмонд, Класи (Хейбьерг, 67), Дэвис, Остин (Уорд-Проуз, 83).
Огоҳлантиришлар: Класи (44), Коларов (50), Ромеу (52), Компани (57), Агуэро (59), Форстер (90).