«Реал» бош мураббийи Зайниддин Зидан «Атлетик Бильбао»га қарши бўлиб ўтган Ла лиганинг 9-тур доирасидаги ўйин (2:1) ҳақида ўз фикрларини билдириб ўтди.

«Ғалаба қозонганимиздан, ўйинимиздан ва қўлга киритилган 3 очкодан хурсандман. Мураккаб рақибга қарши ўйиннинг сифати ёмон бўлмади. Кичик муаммолар бўлди, аммо бу футбол.

Уч очко ҳеч қачон осонлик билан қўлга киритилмайди. Керакли натижага эришиш учун қийинчиликни енгиб ўтиш керак бўлади. Тушунарлики, «Реал»дан ҳамиша 4-5та гол кутишади, лекин рақиб бизга муаммо яратади. «Атлетик» бизни қийин аҳволга солиб қўйди, аммо жамоа тўлиқ жонфидолик билан ўйнади.

Ҳозирданоқ мусобақа жадвали ҳақида гапиришга эрта. Ҳозирча вазият шундай. 38та турнинг ҳар бири жуда қийин бўлади ва соврин қўлга киритиш бизга қийин бўлади. Курашда давом этишимиз керак. Осон ўйинлар бўлмайди. Совуқққонликни йўқотмаган ҳолда ўйнашда давом этишимизни истардим», – деди Зидан.