Хитойнинг «Гуанжоу Эвергранд» клуби мамлакат Супер Лигаси чемпионлигини муддатидан аввал ҳал қилди. Мавсум якунига 2 та тур бор бўлсада, 2-ўринда бораётган таъқибчи Гуанчжоу клубига ета олмайди.
Бу жамоанинг кетма-кет олтинчи чемпионлиги бўлиб тарихга кирди. Мана шу олти йил ичида «Гуанчжоу Эвергранд» икки марта Осиё Чемпионлар Лигасида ҳам зафар қучди.
Маълумот учун, Гуанчжоу клубини Бразилия билан жаҳон чемпиони, Португалия билан Европа вице-чемпиони бўлган, ўз вақтида Тошкентнинг «Бунёдкор» клубида ишлаган Луис Фелипе Сколари бошқаради.
Ўзбекистонлик футболчи Анзур Исмоилов ҳаракат қиладиган «Чанчун Ятаи» 16 та клуб орасида 15-ўринни эгаллаб турибди. Игорь Сергеев ва Егор Кримец тўп сурадиган «Бейцзин Гоан» эса 5-ўринни эгаллаб турибди. Мазкур клуб чемпионат якунига қадар 9-ўринга шўнғиши мумкин, бироқ 5-поғонадан юқорига кўтарила олмаслиги аниқ.
