«Манчестер Юнайтед» ярим ҳимоячиси Хуан Мата «Челси»га қарши ўйин (0:4) борасида ўз фикрларини билдириб ўтди.

«Тўғрисини айтаман, биз учун оғир кун бўлди. Якуний ҳисоб қалбга оғриқ беради. Илк дақиқада ўтказиб юборилган гол барчасини қийинлаштириб юборди. Тезкор гол ўтказиб юборганимиз боис, ўйинга қайта олмадик. Биздан фарқли равишда «Челси» ўйинни яхши бошладик. Бу бизга қимматга тушди.

Лекин биз тўхтаб қолишимиз керак эмас. Бахтимизга, 3 кундан кейин бизни муҳим ўйин кутиб турибди. Бу ўйинга эътиборимизни қаратишимиз керак.

Ғалаба қозонганимизда барча бизни мақтайди, бирлашамиз ва ғалабани нишонлаймиз. Йирик ҳисобдаги мағлубиятдан кейин биз руҳан кучли бўлишимиз ва олдинга интилишда давом этишимиз керак. Биз биргаликда ғалаба қозонамиз ва биргаликда мағлуб бўламиз.

Лондонга ташриф буюрган мухлисларга катта раҳмат. Сиз 90 дақиқа давомида бизни қўллаб-қувватлашдан тўхтамадингиз. Сизлар — ажойибсиз.

«Челси» мухлисларига мурожаат қилиб шуни айтишим мумкинки, улар менга ҳамиша ҳурмат ва меҳр кўрсатишади», — дейди Мата.