«Манчестер Юнайтед» бош мураббийи Жозе Моуриньо «Челси»га қарши ўйиндаги мағлубиятдан (0:4) кейин ўз фикрларини билдириб ўтди.
«Биз қайғудамиз, лекин вазият ёш болалар учун эмас, эркаклар учун. Эртага биз эркак бўлиб, кейинги ўйинга тайёргарлик кўришимиз керак. Мен ҳозир кўпроқ Премьер-лига ҳақида ўйлашни хоҳлардим, Лига кубоги ("Манчестер Сити"га қарши) ҳақида эмас. АПЛдаги ишларимиз яхши эмас — 3та ўйиндан бери ғалаба қозона олмаяпмиз ва етакчилар билан фарқ 6 очкони ташкил қилмоқда. Зўр ўйнаган учрашувларимизда ҳам очколар йўқотяпмиз, худди «Сток»га қарши ўйинда бўлгани каби.
Энди ғалаба қозонмасак бўлмайди. Олдинда «Бернли», «Суонси», «Вест Хэм», «Сандерленд» ва «Мидлсбро»га қарши ўйинлар кутиб турибди. Мен уларни осон рақиб демайман, аммо ғалаба қозонишимиз шарт. Ўтган ҳафтада биз «Челси» ва «Ливерпуль»га қарши баҳсларда иштирок этганимиз каби топ-5 жамоалар кейинги баҳсларда ўзаро тўқнаш келадилар. Бу ўйинларда етакчилар очко йўқотадилар. Шу боис, биз ҳали чемпионлик учун курашдан чиқиб кетганимиз йўқ», – дейди Моуриньо.
Эслатиб ўтамиз, АПЛнинг 9-туридан кейин «МЮ» 14 очко билан жадвалда 7-ўринни эгаллаб турибди.