Ҳозирги кунда жамоамизнинг кўпгина футболчилари мамлакатимизнинг турли терма жамоалар сафида бўлиб туришибди.

9 нафар футболчимиз Хитойда бўлиб ўтаётган асосий терма жамоа сафида халқаро турнирда иштирок этишмоқда. 4 нафар футболчимиз Душанбеда бўладиган Осиё чемпионати сараралаш баҳсларида иштирок этиш учун Баҳром Норсафаров бошчилигидаги U-19 ёшлар терма жамоамиз сафига жалб этилган. Бу терма жамоамиз бугун Душанбега жўнаб кетишади.

Хабарингиз бор, Баҳром Норсафаров бошчилигидаги U-19 ёшлар терма жамоамиз 28 октябрдан 6 ноябргача Душанбеда бўладиган Осиё чемпионати саралаш мусобақасида иштирок этади. Ёшларимиз Гонконг, Хитой Тайпии, Тожикистон ва Покистонлик ёш футболчи қизлар билан баҳс юритишади.

Хитойнинг Чонгкинг шаҳрида бўлиб ўтаётган халқаро ўртоқлик турнирида иштирок этаётган Шерали Бобоқулов бошчилигидаги терма жамоамиз бугун сўнгги учрашувни Исландия аёллар терма жамоасига қарши ўтказишади. Терма жамоамиз ва “Севинч” жамоаси футболчилари эртага юртимизга қайтиб келишади.

“Севинч” жамоамиз 29 октябр куни XXII Ўзбекистон чемпионати 17-турининг қолдирилган учрашувида Навоийнинг “Қизилқум Гули” жамоасини қабул қилади. Мураббийларимиз 26 октябрдан бошлаб деярли тўлиқ таркиб билан ушбу учрашувга тайёргарликларни бошлашади. Тўғри, ҳозир ҳам жамоамизнинг қолган футболчилари мураббийларимиз бошчилигида кунига икки мартадан машғулотлар олиб боришмоқда.