Жанубий Африканинг «Барока» клуби футболчиси Сифо Мути «Платинум Старс»га қарши мамлакат Лига Кубоги ўйинида финт ишлатгани учун ҳакам томонидан сариқ карточка билан огоҳлантирилди, деб хабар бермоқда«Sports.ru».

Футболчи иккала тиззасини тўп устига қўйиб, рақсга туша бошлади. Учрашув бош ҳаками Мутининг хатти-ҳаракатини спортга хос деб топмади ва унга сариқ карточка кўрсатди.

Жанубий Африкалик собиқ ҳакам Асе Н’Кобо Сифо Мутига сариқ карточка кўрсатган реферининг қарорига қўшилмади. «Футболчи ўзини мухлислар олдида кўрсатмоқчи бўлди. Бу томоша ва одамлар бунинг учун пул тўлайди», – деди Н’Кобо.

«Барока» жамоаси ушбу ўйинда «Платинум Старс» устидан 3:1 ҳисобида зафар қучди.