Италия чемпионатининг 10-туридан ўрин олган «Пескара» - «Аталанта» ўйини бир неча дақиқага тўхтатиб турилди.
Гап шундаки, ўйин пайтида зилзила содир бўлди ва мухлислар зудлик билан «Стадио Адриатико»ни тарк этишди. Хабарга кўра, талафотлар ва жабрланганлар бўлмади.
«Аввалига югуриб юрганимиз туфайли ҳеч нарсани сезмадик. Бироқ мухлисларнинг бақир-чақири ва стадионни тарк этаётганини кўриб, ҳаммасини англадик» - деди «Пескара» ҳимоячиси Уго Кампаньяро.
Бир неча дақиқадан сўнг ўйин давом эттирилди ва унда «Аталанта» 1:0 ҳисобида ғалаба қозонди.
