«Реал» клубининг жамоатчилик билан алоқа департаменти раҳбари Эмилио Бутрагеньо 2016 йилнинг энг яхши футболчиси ким эканига шубҳа қилмаяпти.
«Бу масалада бизда ҳеч қандай шубҳа йўқ. Совринларни ҳисобга оладиган бўлсак, «Олтин тўп»ни Роналду олиши керак. У барча ўйинларда жамоанинг муваффақиятига ҳисса қўшмоқда. Криштиану исталган вақтда ўйин тақдирини мустақил ҳал қилишга қодир» - деди Бутрагеньо Movistar хабарида.
Эслатиб ўтамиз, Роналду 2016 йилда «Реал» билан Чемпионлар лигаси, Португалия билан Евро-2016 ғолиби бўлган.
