«Барселона» президенти Хосеп Мария Бартомеу «Манчестер Юнайтед» клуби Луис Суарес учун 150 млн еврони тайёрлаётганидан хабари борлигини билдирди.
«Биз бу хабарни ўқидик, эшитдик, кўрмоқдамиз. Аммо Суарес «Барселона» клубида бахтиёр. Мен учун у Европанинг энг яхши ҳужумчиси. У жамоада қолиши ва шартномани узайтиришини истаймиз. У ҳали ёш ва иштиёққа тўла футболчи. Луис худди Месси ва Неймар каби «Барселона»да бахтиёр» - деди Бартомеу Sky Sports хабарида.
Эслатиб ўтамиз, Луис Суареснинг амалдаги шартномаси 2019 йилда ўз ниҳоясига етади.
