Кеча “Локомотив”нинг 2007 ва 2008 йилда туғилган ёшлари Россия Федерациясининг пойтахти Москва шахри “Локомотив” (Москва) клуби ва Россия Спорт федерацияси спорт мусобақаларини ўтказиш бўлими ҳамкорлигида “Loko Cup 2016” мусобақасида ўз иштирокларини бошладилар.

Москвада ўтказилаётган ушбу мусобақада 8та клуб 2 гурухга бўлинган ҳолда иштирок этади. Улар орасида Москванинг кучли “ЦСКА” ва “Локомотив” билан бир қаторда Ўзбекистондан Эркин Саидов бошчилигида футбол мактаби ҳам таклиф этилган. Жамоамиз Станислав Прохоров (2008) ва Суннатилла Абдурасулов (2007) мураббийлиги остида бу мусобақада икки таркиб билан иштирок этмоқда.

Ёш “темирйўлчилар” икки таркиби кеча “Локомотив” (Перово) ва “Локомотив” (Москва) клубига қарши майдонга тушдилар. Дастлабки куни ўтказилган учрашувлар мусобақанинг энг ёш клуби “Локомотив” (Тошкент) ўзларидан ёшлари катта жамоаларга қарши майдонга тушдилар ва кичик ҳисобларда мағлуб бўлдилар. Ёшларига нисбатан катта болаларга қарши ўйнаган болаларимиз бошқа жамоалар мураббийлари ва мухлисларда илиқ таасурот қолдирдилар.

Бугун Суннат Абдурасулов ва Станислав Прохоров шогирдлари “ЦСКА” (Москва) клубига қарши майдонга тушадилар.